വിശപ്പിനുണ്ട് കുറ്റബോധം ;വിശക്കണ്ടായിരുന്നു  - മലയാളകവിതകള്‍

വിശപ്പിനുണ്ട് കുറ്റബോധം ;വിശക്കണ്ടായിരുന്നു  

അടുക്കളപ്പുറത്ത്‌ തെങ്ങിൻചോട്ടിൽ

ഇന്നും കമഴ്ത്തി ഒരു കലം ചോറ്

മൂടി വെക്കണോ? വേണ്ട

അധികമുള്ളവരല്ലേ പാഴാക്കു

അതിനുമില്ലേ 'ഒരന്തസ്സ്‌'

അന്നത്തിനു മുട്ടില്ലെന്നറിയട്ടെ.

കാക്ക തിന്നും 'എച്ചിലുപെറുക്കിയല്ലേ'

കോഴി തിന്നും 'ഇറച്ചി നമുക്കല്ലേ '

പ്രാവ് വരും -ഓ ..സമാധാനം !

പട്ടിക്ക് -ചോറോ ?തിന്നില്ല !

വാർത്ത കാണാം

പതിവ് തെറ്റാതെയുണ്ട്

നാലു കസേരയും നൂറു നാവും

"വിശപ്പിന്റെ നഗ്നതയ്ക്കന്നം മറയാക്കിയവനെ

യത്താഴപട്ടിണിയറിയാത്തവർ അടിച്ചു കൊന്നെന്ന് "

കാര്യമെന്താ -മോഷ്ട്ടിച്ചത്രേ

മുഖം കണ്ടാലറിയാം കള്ളനാണെന്ന് .

അരി,ഉള്ളി ,മുളക് ...അയ്യയ്യേ കഷ്ടം

കോടികളുടെ മോഷണക്കഥകളിൽ

അക്കവലിപ്പമെണ്ണിപ്പറയുന്നത്

കേൾക്കാൻ തന്നെയെന്തൊരു സുഖം

ഇത്രേം സമ്പന്നരാൽ 'സമ്പന്നയാണിന്ത്യ'യെന്ന്

'അഭിമാനിക്കാമല്ലോ '

'കറ'പുരളാത്ത ഉടുപ്പിലങ്ങനെ

വെളുക്കെ ചിരിച്ചുള്ള നിൽപ്പു കാണുമ്പോഴുണ്ടൊരു

സിനിമ കാണും സുഖം

ഇതൊരു മാതിരി..സോമാലിയ.

ഓഫ്‌ ചെയ്യാം.

ഗേറ്റിനു പുറത്തു ശബ്ദം

'വിശക്കുന്നുണ്ട്, ചോറ് വേണമെന്ന്'

ഇവിടൊന്നുമില്ല -പോ !

ചോറ് ചീഞ്ഞു തെങ്ങിനു വളമാകട്ടെ .

അതും 'ലാഭം' നമുക്കല്ലേ !!!






up
0
dowm

രചിച്ചത്:NayanaBaiju
തീയതി:24-02-2018 04:44:46 PM
Added by :നയനബൈജു
വീക്ഷണം:87
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

ജന്മദിന ആശംസകള്‍

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me