കയറ്റിറക്കങ്ങൾ  - മലയാളകവിതകള്‍

കയറ്റിറക്കങ്ങൾ  

എന്റെ കയറ്റിറക്കങ്ങളിലൂടെ
നീയൊന്നു നടക്കണം

പ്രണയപരവശയായി
ജടയിലിടം നേടിയ ഗംഗയെ,
ദുശ്ശാസനരക്തത്താൽ
മുടി കെട്ടി വെച്ച പാഞ്ചാലിയെ
മുടിയിഴകളിൽ നീ തിരയണം

മുല മുറിച്ചെറിഞ്ഞ
കണ്ണകിയുടെ രോഷവും
മുല ഛേദിക്കപ്പെട്ട
ശൂർപ്പണഖയെന്ന ഉടഞ്ഞ സൗന്ദര്യവും
നീയീ സ്തനഭംഗിയിലോർക്കണം

ആറ്റിലൊഴുക്കിയ കുഞ്ഞിനെയോർ
ത്തസ്വസ്ഥയായ കുന്തിയുടെ
ഒഴിഞ്ഞ വയറു കാണണം
കാട്ടിലലയുന്ന സീതയുടെ
നിറവയറു കാണണം
ഹിഡുംബിയുടെ അടിവയറു കാണണം
സൗന്ദര്യമല്ല പ്രണയമെന്നറിയാനീ
തുടയിടുക്കിൽ ഘടോൽക്കചനുണ്ടാവും
മാതൃത്വഭാവങ്ങൾ മാറുന്നതീ
അടിവയറു പറയും

എന്നെ നീയറിയണം
യുഗങ്ങളായി ഞാനൊളിപ്പിച്ച
ചരിത്രത്തിന്റെ 'കയറ്റിറക്കങ്ങൾ'
ഒന്നുകൂടി നീ താണ്ടണം .




up
0
dowm

രചിച്ചത്:NayanaBaiju
തീയതി:26-02-2018 12:33:52 PM
Added by :നയനബൈജു
വീക്ഷണം:53
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

ജന്മദിന ആശംസകള്‍

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me