ഇന്നല്ലെങ്കിൽ ഒരിക്കൽ ...
ഇന്നല്ലെങ്കിൽ ഒരിക്കൽ എന്റെ ഈ
പൂക്കാത്ത മുല്ലയും പൂത്തുലയും
അന്നെന്റെ ചപലമോഹങ്ങൾക്കു
ചിറകു വിടർന്നവ പാരിൽ പറന്നുയരും
അന്ന് ആ ആകാശച്ചെരുവിലെ
നക്ഷത്രകൂട്ടും മിന്നിച്ചിതറും ...
അതിന് ശോഭയിൽ എൻ സ്വപ്നച്ചിറകുകൾ
മിന്നാമിനുങ്ങുപോൾ മിന്നിത്തിളങ്ങും..
ഇന്നല്ലെങ്കിൽ ഒരിക്കൽ എന്റെ ഈ
പാടാത്ത വീണയും ഈണമിടും ..
ആ ഈണം മുഴങ്ങുമ്പോൾ
എന്റെ ഉള്ളിലെ മങ്ങി തുടങ്ങിയ വരികൾ പാട്ടായി ഒഴുകും
ആ പാട്ടിന്റെ പാലാഴിയിൽ എന്റെ ..
നൊമ്പരങ്ങൾ ഒഴുകി അകലും ...
ഇന്നല്ലെങ്കിൽ ഒരിക്കൽ എന്നെങ്കിലും സഖി..
നിൻ ചാരത്തു ഞാൻ വന്നണയും
അന്ന് നാം, ഈ ജീവിതയാത്രയിൽ പുതിയ പന്ഥാവുകൾ ഒന്നിച്ചു നടന്നു നീങ്ങും
Not connected : |
