വിശപ്പ്
ഞാന്‍ സുഭിക്ഷമായുണ്ണുമ്പോള്‍
എത്ര വിശപ്പെരിയുന്നു ചുറ്റിലും
ഞാന്‍ വലിച്ചെറിയുന്ന വറ്റിലെ
കണ്ണുനീര്‍ പറ്റിപ്പിടിക്കുന്നത്-
മായ്ക്കുവാന്‍ ഞാനെത്ര കൊടും
തപസ്സ് ചെയ്യണം
ഉണ്ണി തട്ടിത്തെറിപ്പിച്ച
പാല്‍ക്കിണ്ണത്തിലെത്ര
ഉണ്ണിവിശപ്പുകള്‍
പിടഞ്ഞു മരിക്കുന്നു..
ഒറ്റനാണയ തുട്ടുകളിലോമനേ
എത്രയോ നിന്നെ
ഞാനെറിഞ്ഞുടച്ചിരിക്കുന്നു
ചുറ്റും കുതൂഹല കാഴ്ചകള്‍ കണ്ട
ഞാന്‍
നിന്‍റെ ഒട്ടിയ വയറിന്റെ നൊമ്പര
കാഴ്ചകള്‍ കാണാതെ പോയ്‌
Not connected : |
