മഴയെത്തും നേരം  - തത്ത്വചിന്തകവിതകള്‍

മഴയെത്തും നേരം  

ഏറെ കാത്തിരുന്നു ഒടുവിൽ നീ എത്തി
എൻ ചിത്തത്തിനാമോദമായി ...

നിന്നെ പുണരാൻ വെമ്പുന്നു എൻ കരം
നിൻ മൃദു സ്വരം കേൾക്കേ പുളകിതമായെൻ അന്തരംഗം ...

ഉണർന്നു എൻ ജീവനാഡികൾ കുളിരണിഞ്ഞു ദേഹമാകെ
ഒരു ജീവ സ്പർശമായി

നിൻ അശ്രു ബിന്ദുക്കൾ പതിഞ്ഞ ഭൂമി ഉന്മേഷത്താൽ ഉണർന്നു പുതു ജീവൻ അങ്കുരിച്ചു
ഹരിതകമായി എങ്ങും ....

ചുറ്റും ഇരുളാൻ തുടങ്ങി ഗഗനേ കരിമേഘങ്ങൾ തമ്പടിച്ചു .
ശീതള മാരുതൻ വീശുന്നു...

പറവകളൊക്കെ ചിലച്ചു പറക്കുന്നു. ദൂരെ ദിക്കിൽ നിന്നും പടി കടന്നെത്തുന്ന
ആരവം

ചിലപ്പോൾ തൊട്ടുതലോടിയകന്ന്, മറ്റു ചിലപ്പോൾ കുത്തിനോവിച്ച് കടന്നു പോയ നിൻ കുറുമ്പ് ഓർക്കുന്നു ഞാൻ

അറിയാതെ നീ എത്തുമ്പോൾ കുടയായി തൂശനില ചൂടി നടന്നൊരു ബാല്യമുണ്ട് എൻ ഓർമ്മയിൽ ...

നീ എത്തുമ്പോൾ എൻ കൊച്ചു വീടിൻ മേല്‍ക്കൂരകള്‍ ചോർന്നൊലിക്കുന്ന കാഴ്ചകൾ ഇന്നും ഓർമ്മയിൽ എത്തുന്നു

ഈറൻ തുള്ളികൾ ചോര്‍ന്നൊലിച്ച് ഉണരുംമുമ്പേ എന്നേ വിളിച്ചുണര്‍ത്തി ഉറക്കം കെടുത്തിയ കുസൃതി കുരുന്നാണ് നീ ......

ചിലപ്പോൾ അലസനായി മറ്റു ചിലപ്പോൾ കരുത്തനായി നിൻ നടന ഭാവങ്ങൾ അവർണനീയം.

ഒരിക്കലും പിരിയരുതേ എന്ന മോഹമുണ്ട് എങ്കിലും പിരിയാതെ വയ്യ .
വീണ്ടും വീണ്ടും നീ ഒരു അതിഥിയെ പ്പോലെ വന്നു നിൻ സാമീപ്യം എത്ര സുഖകരം ... .....


up
0
dowm

രചിച്ചത്:ഡാനിയേൽ അലക്സാണ്ടർ
തീയതി:10-07-2018 12:24:41 PM
Added by :Daniel Alexander Thalavady
വീക്ഷണം:97
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

ജന്മദിന ആശംസകള്‍

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me