അ-അമ്മ
ആദ്യാക്ഷരമുരുവിടാൻ
ആദ്യമായന്നു ഞാൻ
അടിവെച്ചു മന്ദമായി
അമ്മതൻ പിന്നാലെ
ആർത്തു കരഞ്ഞുവ-
ന്നർപ്പിച്ചു പാദങ്ങൾ
ആലസ്യമോടെയ-
ന്നറിവിന്റെ മുറ്റത്ത്..
അറിഞ്ഞിരുന്നീലയന്നങ്കം കുറിക്കുവാ-
നറിവാണായുധമെന്നൊരാ നഗ്നസത്യ-
മതു പകർന്നുവെന്നുള്ളത്തിലേറെ കുളിർമയു-
മലിയിച്ചെന്നകതാരിൽ നന്മതൻ മാധുര്യവും
'അ-അമ്മ' യെന്നൊരു മുഖവുരയില്ലാതെ
അമ്മതൻ നാമമുരിയാടാൻ പഠിപ്പിച്ചൊരെ-
ന്നമ്മയാകുന്നുവെന്നാദ്യ വെളിച്ചവുമെ-
ന്നമ്മയാകുന്നുവെൻ വിളക്കിൻ തിരിനാളവും.
Not connected : |
