കണ്ണാടിച്ചില്ലുകൾ 

കണ്ണാടിച്ചില്ലുകൾ

തൊടിയിൽക്കിടന്നൊരാ കണ്ണാടി
ചില്ലുകഷ്ണം എന്നെ നോക്കും നേരം...
കണ്ടൂ........ഞാനെൻ പ്രതിബിംബം......
ഇടം വലം ഒളിച്ചു കളിക്കുമാ രൂപം.....
പ്രതിബിംബങ്ങൾ ഉറച്ചു നിൽക്കുന്നില്ലാ
ഒരിടത്തെന്ന സത്യം ഞാനറിഞ്ഞു.....
നമ്മുടെ അടിസ്ഥാന സ്വഭാവം കണക്കെ !

എത്ര അഭിനയിച്ചാലും , മൂടിവെച്ചാലും,
ദിനരാത്രങ്ങൾക്കുള്ളിൽ പുറത്തുവരുമാ
യഥാർത്ഥ സ്വഭാവം പോൽ......
തേനിൽ മുക്കി പഞ്ചസാരയിൽ പൊതിഞ്ഞു
സൃഷ്ടിച്ചെടുക്കുമാ വാക്കുകൾക്കായസ്സ്
നിമിഷങ്ങൾളും, മണിക്കൂറുകളും മാത്രം.....
എന്തിനോ, ഏതിനോ, കേട്ടുനിൽക്കുന്നോർ
കുരുക്കിൽ കുടുങ്ങി പോകുന്ന പോൽ.....

ആയുസ്സിൻ പാതിയീലേറെ കണ്ണാടിക്കു മുന്നിൽ അർപ്പിക്കുന്നൂ ............ചിലർ......
മായാലോകത്തു ജീവിക്കുന്നൂ.......അവർ.

0

രചിച്ചത്:സൂര്യമുരളി
തീയതി:11-09-2018 04:20:41 PM
Added by :Suryamurali
വീക്ഷണം:57
നിങ്ങളുടെ കവിത സമ്മര്‍പ്പിക്കാന്‍