മഴക്കെടുതിയിലകപ്പെട്ട സ്ത്രീ
പോയവർഷത്തിലാപ്പീസിലെ ഓണാഘോഷത്തിനുടുത്ത സാരിക്ക്
ചേലു കുറവായതിനാലാണു ഞാനിക്കൊല്ല-
മുടുക്കാനെൻ മാരനോട് ശാഠ്യവും
പിടിച്ചീയാർഭാട പുടവവാങ്ങിയ-
ലമാരയിൽ ഭദ്രമായി കൊണ്ടുവെച്ചത്
പെണ്ണല്ലേ ജാതി ഞാനുടുത്തു നോക്കി-
യൊരു നാൽപതു വട്ടമെന്റെ
കണ്ണാടിക്കു മുന്നിൽ തലങ്ങും വിലങ്ങും
നടന്നെന്റെ പത്രാസു കണ്ടൊന്നാസ്വദിച്ചു.
"ആഘോഷങ്ങളില്ല ആശംസകൾ മാത്രമെന്നെഴുതിയ
സന്ദേശമെൻ തോഴർക്കു ഞാൻ കൈമാറുമ്പോൾ
തൊട്ടടുത്തിരുന്നയെൻറെ പ്രിയ ഭർത്താവിന്റെ മുഖത്ത്
മാറിമറിയുന്ന ഹാസ്യഭാവം കണ്ടയെന്നുള്ളിലെ
മൃഗമെന്തോയന്നു ഗർജിച്ചീല..
Not connected : |
