ഒഴിഞ്ഞ പുസ്തകം  

ഇന്നലെ എഴുതിയ പുസ്തക താളുകളി -
ലിനിയും പാതി മുറിഞ്ഞ അക്ഷരങ്ങൾ

എന്തെഴുതണമിനിയും ഞാ -
നിനിയെങ്ങനെ എഴുതണം ,എന്റെ
ജീവിതമേ നിന്റെ ഏടുകളിൽ ?

ചുറ്റിലും ചീന്തിയെറിഞ്ഞ താളുകളിൽ
പാടാത്ത മരിച്ച എൻ കവിതകൾ..
ഇനി കവിതയല്ലത് വെറും മഷിപുരണ്ട
ചുളിഞ്ഞ കടലാസ്സു കഷ്ണങ്ങൾ..

എഴുതുവാനെനിക്ക് വാക്കുകളില്ല ഈ
ശൂന്യതയിലിനി പാടാൻ കവിതയുമില്ല
നിശ്ചലമായ മനസ്സുപോലെ
ചലിക്കാത്ത എൻ തൂലികയും
ഒഴിഞ്ഞ പുസ്തകവും ....

1

രചിച്ചത്:ജിജി
തീയതി:20-09-2018 11:01:05 PM
Added by :ജിജി
വീക്ഷണം:100
നിങ്ങളുടെ കവിത സമ്മര്‍പ്പിക്കാന്‍