ഇരു കരങ്ങൾ
ഓർമ്മവെച്ച നാള്മുതല്ക്കെൻ
മനസ്സിലടിയുറച്ച വിശ്വാസമതു ;
"വലതുകൈ സത്കർമ്മങ്ങൾക്കുമി-
ടതുകൈ ദുഷ്ചെയ്തികൾക്കുമെന്ന സത്യം
മുറപോലെ പിൻപറ്റി നാളിതുവരെയകറ്റി
ഞാനെൻ ഇടംകൈയ്യി-
നെയെന്നോർക്കുമ്പോൾ
അകതാര് വല്ലാതെ പിടയുകയായെന്തെന്നാൽ;
കഴിഞ്ഞൊരു നാളിൽ ഞാൻ
നിലംപൊത്തി വീണുവെൻ
വലതു കരത്തിനൊരല്പം ക്ഷതവുമായി.
അന്നുമുതൽക്കിന്നോളമെൻ കര്മങ്ങളോരോന്നും
തെല്ലുമടിയില്ലാതെ നിറവേറ്റുന്നതിതായെന്നിടം കൈ
ഇരു കരങ്ങളുമൊരുപോൽ ആപേക്ഷിത-
മെന്നറിയിപ്പാനാവും ദൈവമെനിക്കീയവസരം നല്കിയതെന്നെന്റെ മനം മന്ത്രിക്കയാണിന്ന്.
Not connected : |
