താലിപ്പനി - പ്രണയകവിതകള്‍

താലിപ്പനി 

അത്രനാൾ നീയെഴുതിക്കൊണ്ടേയിരുന്നു.
അതുവരെ ഞാൻ വായിച്ചും...

അന്നെന്റെ കീശയിൽ
ഒരു ഫൗണ്ടൻപേനയുണ്ടായിരുന്നു.
എന്റെ പ്രിയ കവയത്രിക്കൊ-
രവസാനപ്രണയോപഹാരമായ്..
സദസ്സിലിരുന്നു നിൻ താലി,
തൊട്ടാശീർവ്വദിക്കേ,,
എന്റെ കീശയിലാ-
മഷി പരന്നൊഴുകി.

നീ ഭാഗ്യവതി. പെറ്റുമടുത്ത്-
നിൻ കണ്ണുകളിൽ,
എന്നെയുമെന്റെയീ-
യക്ഷരങ്ങളേയും കാണാത്ത വിധം
തിമിരം ബാധിച്ചല്ലോ?
എങ്കിലുമിനിയെന്നെങ്കിലും-
നീയറിഞ്ഞീടുവാനൊരുവരി,
ഞാനെന്നേക്കുമായ് പോറിയിടാമിവിടെ..
ഇന്നുമാ പേനക്ക് തൂറ്റലാണ്..
നിൻ കഴുത്തിലന്നുവീണുപോയൊരാ-
താലിമാലയാൽ..


up
0
dowm

രചിച്ചത്:ഡാനി
തീയതി:04-12-2018 10:40:59 PM
Added by :Supertramp
വീക്ഷണം:147
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


Not connected :