വിരഹ പുഷ്പം
എൻ പ്രാണനിൽ ഒളിയമ്പുപോൽ
നീ വന്നു ചേർന്നിരുന്നു...
ഹൃദയമാമെൻ പൂവനിയിൽ നീ
ശലഭമായ് വന്നലഞ്ഞു ...
ഒളിയമ്പുകൊണ്ടെൻ പ്രാണൻ പിടഞ്ഞതും -
പൂവനിയിലെ വസന്തം പൊഴിഞ്ഞതും -
നിൻ വിരഹത്തിലോ ?
ശലഭമേ ഞാൻ വെറും പൂവായിരുന്നോ ?
നിൻ സ്പര്ശമേല്ക്കാനേറെ കൊതിച്ചു ഞാൻ
നിന്നിലേക്കൊഴുകുവാൻ മോഹിച്ചു ഞാൻ
എത്രനാൾ കാത്തിരുന്നു ...
നിനക്കായ് എന്മധു കാത്തുവെന്നും
നിനക്കുമാത്രമായ് കാത്തിരുന്നു .....
ശലഭമേ ഞാൻ വെറും പൂവായിരുന്നോ ?
ചൊല്ക ഞാൻ പൂമാത്രമായിരുന്നോ ?-
എന്നിട്ടുമെന്തിനീ എന്നെ തടയുവാൻ ഇത്രനാൾ
നീ കാത്തിരുന്നൂ ....
നിന്നെ നിനച്ചു ഞാൻ പൊഴിഞ്ഞതില്ല ...
എന്നിട്ടുമെന്തിനീ എന്നെ തടയുവാൻ ഇത്രനാൾ
നീ കാത്തിരുന്നൂ .....
Not connected : |
