അസ്തമയം
നിറമാര്ന്ന മിഴികളില്‍ നിറയുമോ നീര്കണം
നിശീഥിനിതന്‍ നിശബ്ദതയില്‍
ഒരു ചൂടുകണ്ണുനീര്തുള്ളിയായ് ഞാനൊന്നി-
റ്റിറ്റു വീണൊന്നുടഞ്ഞിരുന്നെങ്കില്‍
ഒരു ചാറ്റല്‍ മഴയായമ്മതന്‍ മേനിയില്‍
ആഴ്ന്നിറങ്ങിയസ്തമിച്ചിരുന്നെങ്കില്‍
ഈ രാവിന്നിരുട്ടിലേയ്ക്കൊറ്റയ്ക്ക്മാത്രമായ്
മറഞ്ഞു ഞാന്‍ പോയിത്തീര്ന്നിരുന്നെങ്കില്‍
അമ്പിളിത്താരകളില്ലാത്ത വാനത്ത്
ഒരു കാറ്റായി ഞാന്‍ പാറിയെങ്കില്‍
ഇതും ജന്മസാഫല്യമെന്നതുമോര്ത്തു കൊ-
ണ്ടൊരുപാഴ്ജന്മമായ്ത്തീര്ന്നിരുന്നേനെ ഞാന്‍....
Not connected : |
