എരിതീയിൽ
സൂര്യനുറങ്ങിയിട്ടും
വേനൽചൂട് അരിച്ചിറങ്ങി
ഉപ്പുവിയർപ്പിൽ കുളിച്ചു-
മയങ്ങി സ്പന്ദിക്കുന്ന
ഹൃദയങ്ങൾ പോലെ
മിഴിച്ചകണ്ണുകളുമായി.
മഴ മേഘങ്ങൾ മടി കാണിക്കുന്നു
ഉരുണ്ടുകൂടിയിട്ടിത്തിരി പൊടിച്ചു
പുഞ്ചിരിച്ചു മടങ്ങുന്ന പകലുകളിൽ
പകയോടെ ഒട്ടും ഇളം കാറ്റില്ലാതെ.
കൽത്തുറുങ്കിലെ പുഴുകലും
പട്ടുമെത്തയിലെ ഉരുളലും
പ്ലാസ്റ്റിക് ആവരണങ്ങളുടെ
ചൂട് സംഭരണവും വേണ്ടാത്ത
കനലുകളൊളിപ്പിച്ച പോലെ.
Not connected : |
