കാലം
കിഴക്കേമല ചുവപ്പിച്ചു-
പൊങ്ങി വന്ന സൂര്യ കിരീടം
കത്തിക്കത്തിനട്ടുച്ചയിലെ
പൊരിവെയിലിലുംഎരിഞ്ഞു
വെള്ളിവെളുപ്പാക്കി,ഭൂമിക്കു-
നിത്യംനിഴലുകളൊരുക്കും
പടിഞ്ഞാറേ ചക്രവാളത്തെ
ലക്ഷ്യമാക്കി നിറങ്ങളേഴും
അനേക തരംഗങ്ങളായി.
പിരിഞ്ഞു തുടുത്തു ചുവന്നു
ഇരുണ്ട വാനം സാക്ഷിയായി
മഹാസമുദ്രത്തിൽ മറഞ്ഞു
ഭൂമിയിലുള്ളവർ ചേക്കേറി
ചന്ദ്രന്റെ ചിരിയിൽ മയങ്ങി
ഉറങ്ങി സ്വപ്നങ്ങളുമായി
വീണ്ടുമൊരു വിടവാങ്ങലിൽ
രാവും പകലും പതിവായി
സമയം മരണമില്ലാതെ.
Not connected : |
