പ്രണയം മുട്ടി വിളിച്ചപ്പോള്‍
പതിവായെന്‍ മനസ്സിന്റ്റെ പടിവാതിലില്‍ വന്നു
പതിയെ മുട്ടുന്നൊരു പാട്ടുകാരീ
പരിഭവ സിന്തൂരം കവിളത്തു പൂശിനീ
പറയാന്‍ മടിച്ചതെന്തേ ?
നിന്‍ മിഴിപ്പൂവിലെ പ്രേമപരാഗങ്ങള്‍
നീയറിയാതെ ഞാന്‍ കവര്‍ന്നെടുത്തു
നിന്‍ചുണ്ടില്‍ ഒളിപ്പിച്ച ഈണങ്ങള്‍ ഒക്കെയും
എന്‍ മനത്താളില്‍ കുറിച്ചെടുത്തു
പാദസരങ്ങള്‍ പറഞ്ഞതെല്ലാം
പാവമെന്നുള്ളിലെ താളമായീ
പുഞ്ചിരിപ്പാലു കൊണ്ടിന്നു ഞാനെന്‍
നെഞ്ചിലെ തേന്‍കിളിക്കിങ്കു നല്‍കീ ...
Not connected : |
