ഭയം
തനിച്ചാണെന്ന് തോന്നുമ്പോൾ
ഞാനിവിടെ വരാറുണ്ട്.
വായിക്കുവാൻ ആരുമി-
വിടമില്ലെങ്കിൽക്കൂടി,
രണ്ടുവരി കുറിച്ചീടാറുണ്ട്.
പിന്നെ,
മറ്റൊരു നാളിൽ വന്ന്,
വെട്ടി കളയാറുമുണ്ട്.
അക്ഷരങ്ങളേക്കാൾ,
ഇന്നെനിക്കിഷ്ടം-
ആകാശവിതാനങ്ങളിലെ
അജ്ഞാതരായ ചില ദേഹികളെയാണ്.
ഇന്നെന്റെ ഓർമ്മകൾക്ക്
പിന്നെയും ഉന്മാദം പൂണ്ടു.
ഇവിടെന്റ വിരൽത്തുമ്പുകൾക്ക്
വിറളിപ്പിടിച്ചു.
ചുകന്നു തുടിച്ച അക്ഷരചപ്പുകളിൽ,
ഉറുമ്പുകൾ തടിച്ചു കൂടുന്നു.
ഇതെന്റെ തപം.
ഉള്ളിൽ, ഉള്ളിന്റെയുള്ളിൽ
എന്താണ്?
Not connected : |
