പരിണാമത്തിലേക്ക്
സ്വപ്നസുന്ദരി നീ ഒറ്റയ്ക്ക്
കാണുന്നസ്വർഗ്ഗ ഗേഹം
ഉള്ളിൽ ഒതുക്കി ഇത്രനേരം
ഒരുക്കുന്നതാർക്കുവേണ്ടി .
ആരും കാണാതെ ആരും അറിയാതെ
ആരെതിരിഞ്ഞാണുനീ കുറിയിട്ടു
വരവരച്ചുകണ്ണാടിനോക്കി
മുഖപടം കണ്ടാസ്വദിക്കുമ്പോൾ
ചിരിതുളുമ്പി ഒരു കാവ്യസുന്ദരനെ
സ്‌മൃതിപഥത്തിൽ കാണുന്നതുപോലെ.
ആരെയും ഭയക്കാത്ത
ഈ ആസ്വാദനത്തിന്റെ ആഴം
നാലാളറിയുമ്പോൾ എന്താണു-
പൊട്ടിത്തെറിയെന്നറിഞ്ഞു
മൗനത്തിൻറെ കലവറയിൽ
കുടിയിരുത്തുകയാണോ.
എത്ര നാളിങ്ങനെ കണ്ണാടി നോക്കും
ആശയുടെ വക്കുകൾ മുട്ടിയുരുമ്മി.
ആ നിന്റെ ലഹരിയെ ചേർത്തുവയ്ക്കാൻ
ഇനിയും നിശബ്ദത കൂട്ടു നിൽക്കാതെ
പുകമരവേണ്ടെന്നു തോന്നി
സ്മരണകളെരിയുന്നപോലെ.
Not connected : |
