പ്രതീക്ഷ
താവക പ്രണയത്തിൻ മാറ്ററിയാത്തൊരു മോഹ
വിപഞ്ചിക ഞാൻ, ഒരു മോഹവിപഞ്ചിക ഞാൻ
പാടി പതിഞ്ഞൊരു പാട്ടിൻ പല്ലവി വീണ
മീട്ടുകയായി മണിവീണ മീട്ടുകയായി.
പുലരിയിലിന്നൊരു നറുമണമുതിരും പൂവു
തേടുകയായി ഒരു പൂക്കാലം തിരയുകയായി
മന്ത്രമുണരും സന്ധ്യയിൽ നാമജപങ്ങളുമായി
ഹരിനാമ ജപങ്ങളുമായി.
കണ്ണിമചിമ്മും കുഞ്ഞു വിളക്കിൻ ജ്യോതി
കാണുകയായ് പരം ജ്യോതി കാണുകയായ്
പൗർണ്ണമിനാളിലെ ചന്ദ്രമുഖത്തിൻ തേജസു
തിരയുകയായ് പൂർണ തേജസു തിരയുകയായ്.
ഇനിയുമുദിക്കാത്ത ബാലാർക്കനു സ്വാഗത
മരുളുകയായി സുസ്വാഗതമരുളുകയായ്.
Not connected : |
