കന്യകയാം ഒരു കാട്
കന്യകയാം ഒരു കാട്
കളകളം പാടുന്ന
പ്രണയ കിളികൾ നിറയും
ഹൃദയക്കൂട്
പച്ചില ചേലയാട്ടി ശ്വാസം
എടുത്തു ആ മലച്ചി..
സൂര്യപ്രഭയുള്ള കണ്ണുകൾ
ചിമ്മി ചിമ്മി തുറന്നു
മലപോലുയർന്ന മാറിട൦
വിരിച്ചുനിന്നു.
ചന്ദന കാറ്റിൽ കൈകൾ വീശി
പുഞ്ചിരിപ്പൂക്കൾ വിടർത്തി
പുഴയാ൦ പാദസരങ്ങൾ
കിലുക്കി നടന്നു ഇന്നലെ
ഈ വഴി ഒരു
കന്യകയാം കാട്
അവളുടെ നാഭിയിൽ ഇന്നാരോ
പിടിമുറുക്കി വിഷണ്ണയാക്കി
മഴുവിനാൽ പിച്ചിചീന്തി
നഗ്നയാക്കി കിടത്തി
അവളുടെ കറുത്ത രാവുകൾ
വിഷാദമോടെ നോക്കാം
അവളുടെ മുഖത്താകെ
കുമിളകൾ കുമിളകൾ
കാട്ടുതീ തീർത്ത കുമിളകൾ.
വിനോദ് കുമാർ വി
Not connected : |
