ഒരുമാത്രകൂടി ......
ഒക്ടോബര്‍ എന്നുമൊരുണങ്ങാത്ത മുറിവായി
ഓര്‍മ്മയില്‍ നീറുന്നു വയലാര്‍
വയലാര്‍ നമുക്കായി വാരിവിതറാഞ്ഞ
വാസന്തപുഷ്പങ്ങളുണ്ടോ
പ്രണയാര്‍ദ്രശില്പങ്ങള്‍ കവിതയായ് ഗാനമായ്
പ്രകൃതിയെ വാഗ്മയ ചിത്രമാക്കി
സ്വന്തമായ് ഒന്നുമില്ലാത്തവര്‍ക്കായിനീ
സ്വര്‍ഗ്ഗീയ സ്വപ്നങ്ങള്‍ നല്‍കി
പണിയെടുക്കുന്നോര്‍ക്കുസമരഭൂവില്‍ രാസ -
ത്വരകമായ് ഉശിരു നീ നല്‍കി
അവരോടുതോള്‍ചേര്‍ന്നുപാടിനീ നീങ്ങവേ
അവരെപ്പിരിഞ്ഞെങ്ങുപോയീ
പൊരിവെയില്‍ക്കുടചൂടിവേലചെയ്യുന്നവര്‍
പൊടിമഴ മോഹിക്കും പോലെ
കൊതിയോടു ചോതിപ്പൂ ഞങ്ങള്‍ ,ഈ മന്നിലേയ്-
ക്കൊരുമാത്രകൂടി നീ വരുമോ
കൈരളിക്കായി നീ വാക്കിന്റ്റെ പൂക്കളാല്‍
വരണമാല്യംകോര്‍ത്തുതരുമോ ....
Not connected : |
