കരുണാമയനാകും 

കരുണാമയനാകും കർത്താവു നമ്മളെ
കാത്തരുളീടും വെളിച്ചമല്ലോ
കഞ്ചിതരൂപം കരളിൽ തെളിയുമ്പോൾ
കന്മഷഹീനരായ് മരുമല്ലോ

മഞ്ഞുപോൽ സ്നിഗ്ദ്ധമാം നിൻ കരസ്പർശത്താൽ
ഞങ്ങളെയാശിർവദിയ്ക്കൂ
വെള്ളരിപ്രാവുപോൽ ഹൃത്തിൽ
പറന്നണഞ്ഞാത്മപ്രഹർഷമേകൂ

നിന്റെ സങ്കീർത്തനം പാടിനിന്നീടുമ്പോൾ
നിത്യത ചിത്തേ നിറയ്‌ക്കൂ
കൈവല്യദായകാ കാക്കണേ സന്തതം
കർത്താവെ ശ്രീയേശുനാഥാ

0

രചിച്ചത്:സുദര്ശനകുമാർ വടശേരിക്കര
തീയതി:25-03-2020 01:40:33 PM
Added by :C K Sudarsana Kumar
വീക്ഷണം:19
നിങ്ങളുടെ കവിത സമ്മര്‍പ്പിക്കാന്‍