ഐക്യദാര്‍ഡ്യം
ഇനിയെത്രനാള്‍കൂടി നീ മണിപ്പൂരിന്റ്റെ
ഇറയത്തിരിക്കും ഇറോം ശര്‍മ്മിളാ !
കണ്ണുതുറക്കാത്തോരധിക്കാര ദൈവങ്ങള്‍
ഉണ്ണാവ്രതത്തില്‍ ചകിതരാമോ
കാണുവാന്‍ കേള്‍ക്കാന്‍ പറയാനവകാശ-
മന്യമാം ദേശം സ്വരാജ്യമെന്നോ
അജ്ഞാനുവര്‍ത്തികള്‍ക്കായുധം നീട്ടുന്ന
സംജ്ഞയാണോ സല്‍ ജനാധിപത്യം
പേടിച്ചരണ്ടു തളര്‍ന്ന മനസ്സുമായ്
പേക്കിനാ കണ്ടുറക്കത്തില്‍ വിതുമ്പുന്ന
പിഞ്ചു കിടാങ്ങള്‍ക്കു സാന്ത്വനം തോക്കിലൂ-
ടോതുന്ന കാനന നീതി തകര്‍ക്കുവാന്‍
ഗാന്ധി ജനിച്ചു ജയിച്ച മണ്ണില്‍ പുതു -
ഗാന്ധീവധാരി പുനര്‍ജനിച്ചീടുമോ....
Not connected : |
