വര്‍ത്തമാനപ്പക്ഷി - തത്ത്വചിന്തകവിതകള്‍

വര്‍ത്തമാനപ്പക്ഷി 

ഒരു വെളുത്തപക്ഷിയായ്
ചിറകു കുഴഞ്ഞ്
എന്റെ പൂമുഖത്തു വന്നുവീഴുന്ന
വര്‍ത്തമാനപത്രത്തില്‍ നിന്നും
ചിതറി വീഴുന്നൂ,
ഗാസയിലെ കുഞ്ഞുങ്ങളുടെ രക്തം..
ചിറകിന്നുള്ളില്‍
മിസൈല്‍ ചിതറിച്ച
സ്വന്തം കുഞ്ഞിന്റെ ശരീരാവശിഷ്ടം
കൈയിലേന്തിയ പിതാവിന്റെ
ദീനമായ കണ്ണുകള്‍...
മറ്റു കോലാഹലങ്ങളിലും
വാദപ്രതിവാദങ്ങളിലും
എന്റെ ഹൃദയം ഉടക്കുന്നില്ല...
മനമാകെ ചോരയുടെ നിറം...
എങ്ങും കരിഞ്ഞമാംസഗന്ധം..

നാളത്തെ പ്രഭാതത്തിലും
എന്റെ പൂമുഖത്തു വന്നു വീഴുന്ന
ചിറകൊടിഞ്ഞ പക്ഷീ...
നിന്റെ ഗന്ധവും
നീ വഹിക്കുന്ന ദീനരോദനങ്ങളും
എന്നെ വേട്ടയാടുന്നു...
നിന്നെ ഞാന്‍ ഭയക്കുന്നു..


up
0
dowm

രചിച്ചത്:പ്രദീപ് പുരുഷോത്തമന്‍
തീയതി:26-11-2012 01:10:12 PM
Added by :Pradeep. P
വീക്ഷണം:143
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me