അനുരാഗം
മിഴിയിൽ തെളിയും സുന്ദര സ്വപ്‌നങ്ങളിൽ
മനസ്സിൽ നിറയും മധുര മോഹങ്ങളിൽ
നെഞ്ചിൽ തുടിക്കും ആദ്യാനുരാഗത്തിൽ
ആഗ്രഹിപ്പൂ നിന്നെ ഞാൻ ആത്മാർത്ഥമായി
നിൻ നറുനീലിമയിൽ തെളിയുമൊരായിരം - വർണ്ണചിത്രങ്ങൾ
നിൻ ചെറുപുഞ്ചിരിയിൽ വിരിയുമൊരായിരം - സ്നേഹപുഷ്പങ്ങൾ
നിൻ തേന്മൊഴിയിൽ ഒഴുകുമൊരായിരം -
പൂന്തേനരുവികൾ
നിൻ സ്നേഹാർദ്രങ്ങളിൽ എരിയുമോരായിരം തിരി നാളങ്ങൾ
നിൻ സന്തോഷമെൻ കണ്ണിൽ കുളിരായി തീരും
നിൻ നേട്ടങ്ങളെൻ മുന്നിൽ ആവേശമായി മാറും
നിൻ ദുഃഖങ്ങളെന്നുള്ളിൽ നോവായി തീരും
നിൻ സ്വപ്നങ്ങളെൻ ചുണ്ടിൽ - പ്രാർത്ഥനകളായിമാറും
അറിയുന്നുവോ നീയെൻ മൗനാനുരാഗം
അതോ അറിയാത്ത ഭാവം നടിക്കുന്നതോ
എങ്കിലും പ്രണയമേ കാത്തിരിപ്പൂ ഞാൻ
പറയാതെ അറിയുമൊരു നിമിഷത്തിനായി ....
Not connected : |
