കൊന്നത് കരിയിലകൾ....
കരിയിലകൾ പറഞ്ഞത്
പൊക്കിള്ക്കൊടി തണ്ടിൽ
ആടിയാടി ഒരു പൂവ് വന്നുവീണു.
ചോരച്ചുണ്ടുകൾ
ഇളക്കി ,കുഞ്ഞോമൽ
പൂവ് കരയവേ, മുറുമുറുത്തു
താരാട്ടുപാടി ഉമ്മവെച്ചു.
ഉറുമ്പുകൾ ഉറങ്ങാതിരുന്നു.
അച്ഛൻ വീട്ടിലെ
വന്മരങ്ങൾ അറിഞ്ഞില്ല
അമ്മ വീട്ടിലെ
വന്മരങ്ങൾ അറിഞ്ഞില്ല.
തണലേകാത്ത മരങ്ങളെ
നിങ്ങൾ ഉറുമ്പരിച്ചു വീഴും
പെറ്റവയറിനു വേണ്ടാത്ത
കുഞ്ഞേ നിന്നെ ഉമ്മവെച്ചു
കൊന്നത് കരിയിലകൾ....
Vinod kumar v
Not connected : |
