ആത്മാവ് ആലസ്യത്തിലാണ്
ആത്മാവ് ആലസ്യത്തിലാണ്
ചോര പോലെ ഒഴുകാനും
ഹൃദയം പോലെ മിടിക്കാനും
മനസ്സ് പോലെ വിസ്മയിപ്പിക്കാനും
അതിനാകുമെങ്കിലും
ഇന്ദ്രീയങ്ങളുമായി
കൈ കോർത്ത്
നിർവികാരതയുടെ ലഹരി നുകർന്ന്
ഒരു തരം ഉന്മത്താവസ്ഥയിൽ
പാതി മയക്കത്തിലാണ്
കൂടൊഴിയാൻ തയ്യാറാകാത്ത
നെയ്മുറ്റിയ പക്ഷിയെ പോലെ
ശരീരത്തിൽ കടിച്ചു തൂങ്ങി കിടക്കവേ
വെന്റിലേറ്ററിന്റെ ആയാസവും
ആശുപത്രി ബില്ലിന്റെ സൈറനും
മരം വെട്ടുകാരന്റെ തയ്യാറെടുപ്പും
ക്ഷമ നശിച്ച റിസ്റ്റ് വാച്ചുകളും
അശേഷം അതിനെ അലോസരപ്പെടുത്താറില്ല
ചിന്തിപ്പിക്കാറും ഉണർത്താറുമില്ല
ആത്മാവ് ആലസ്യത്തിലാണ്
മലയാളം കവിതകള്‍ / Malayalam Kavithakal (Poems)
|
മലയാള കവിത | Malayalam Kavitha പുതുതായി ചേര്‍ന്നതു
ഈ മാസ വിജയിതാവ്
Random കവിതകള്‍
For Advertising, Contact
കവിതകള്‍
ഇതും നോക്കുക
അധികം എഴുതിയവര്‍ (Top Contributors)
ഈ മാസം അധികം എഴുതിയവര്‍
Join Vaakyam on 
|
