ജനിക്കാത്ത മകള്‍ക്ക് - മലയാളകവിതകള്‍

ജനിക്കാത്ത മകള്‍ക്ക് 

മകളെ നീ എന്‍ ഉദരത്തില്‍

പിറക്കാതിരിക്കുക..

ഇരുള്‍ മൂടാന്‍ കാത്തിരിക്കാതെ

കഴുകന്‍ കണ്ണുകള്‍

കാമകേളിക്കായ്‌ തെരുവില്‍

നിന്നെ വിലപേശാന്‍

തക്കം പാര്‍ക്കുന്നവര്‍ക്കിടയില്‍,

ബന്ധങ്ങളുടെ വിലയറിയാത്ത

ബുദ്ധിശൂന്യര്‍ക്കിടയില്‍,

പണമൊരു വിത്തായി

മനസ്സില്‍ കരുതും

ജന്മങ്ങള്‍ക്കിടയില്‍,

മകളെ നീ പിറക്കാതിരിക്കുക..

ഇനിയും ഒരു പെണ്‍കൊടി തന്‍

ഹൃദയം പിളരും അലര്‍ച്ച

കേള്‍ക്കാതിരിക്കാന്‍,

പിച്ചിചീന്തും നിന്‍ മനസ്സിന്‍

പിടച്ചില്‍ കാണാതിരിക്കാന്‍,

മകളെ നീ പിറക്കാതിരിക്കുക

ഈ അമ്മതന്‍ ഉദരത്തില്‍

പിറക്കാതിരിക്കുക..


up
0
dowm

രചിച്ചത്:ഉണ്ണിമായ
തീയതി:23-12-2012 11:10:34 AM
Added by :unnimaya
വീക്ഷണം:361
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


Not connected :