പനി
വല്ലാത്ത പനി ചൂടുള്ള പനി
മുത്തശ്ശി ഇന്നാള്‍ പറഞ്ഞൂ :
“കുട്ടിയേയ്, ചുക്കിട്ട കുരുമുളക്കാപ്പി
മൂടിപ്പുതച്ചൊരു കണ്ണടയ്‌ക്കല്‍”
വല്ലാത്ത പനി ചൂടുള്ള പനി
അമ്മ പറയുന്നതിങ്ങനെ :
“കുട്ടിയേ, ഡാകിട്ടരെ-
ഇന്ന് തന്നെ ചെന്ന്‌ കണ്ടിട്ടു മതിയെന്തും.”
വല്ലാത്ത പനി ചൂടുള്ള പനി
കൂട്ടുകാരന്‍ പറഞ്ഞു :
“നിനക്കെന്താ വട്ടാ..
ഡോക്ടര്‍ക്ക് കൊടുക്കാനുള്ളതിങ്ങെടുക്ക്,
ദേ, ഇതങ്ങ് പിടി…
ഒറ്റവലിയ്ക്കങ്ങകത്താക്കിക്കോ
പനി പറേന്നനേരം കൊണ്ട് പമ്പ കടക്കും”
ഞാന്‍ ആരെ അനുസരിക്കും…?
Not connected : |
