സൗഹൃദങ്ങൾ
ആകാശപ്പൂമരക്കൊമ്പിൽ നിന്നും
ഞെട്ടറ്റു വീണൊരു താരകത്തിൻ-
വിത്ത് മുളച്ചല്ലോ പൊങ്ങിടുന്നു
സൗഹൃദപ്പൂങ്കാവനികൾ മണ്ണിൽ !
വെള്ളം,വളവും നാമേകിയെങ്കിൽ
വിരിയും നറുമലർ വിങ്ങി വിങ്ങി
ചൊരിയും പരിമളമെങ്ങുമെങ്ങും !
ജീവിത പ്രാരാബ്ദ വീഥികളിൽ
യാതനയാലെ നാം നീങ്ങിടുമ്പോൾ
ആശ്വാസമേകുന്നു സൗഹൃദങ്ങൾ ...
ഞെട്ടറ്റു പോയൊരാ സൗഹൃദങ്ങൾ
വീണ്ടും തിരഞ്ഞു പിടിച്ചെടുക്കാം ...
Not connected : |
