മിഖായേല്‍
മിഖായേല്‍,
സ്നേഹത്തിന്റെ പാനപാത്രം
നീ ഏതു തെരുവിലാണ്
കളഞ്ഞു കുളിച്ചത്
നനഞ്ഞ മണ്ണിന്റെ മാറില്‍
മണ്ണിരകള്‍ ഇഴയുന്ന പോലെ
ദുരിതം പേറുന്ന
ഈ ജനതയ്ക്ക്
വിദൂര സ്വപ്നത്തിനു പോലും
തടയിട്ടത് നീയല്ലേ..
കാവലാളുകള്‍ ഏറുമാടങ്ങളില്‍ ഇരുന്നു
നോവ്‌ മാത്രം പകരുന്ന
ഈ വരണ്ട യാമങ്ങളില്‍
മോചനത്തിന്റെ മന്ത്രവുമായി
രക്ഷകന്‍ വരുമെന്ന്
ഞാന്‍ വെറുതെയെങ്കിലും
അവരോടു പറഞ്ഞു പോയി..
യുഗങ്ങളിലേക്ക് നോവ്‌ കുത്തിയിറക്കുന്ന
കൂര്ത്തശൂലമുന കൈയിലെന്തിയ
കപടമാലാഖമാര്‍
ഇരുണ്ട വെളിച്ചം വീശുന്ന
ഈ ദുഷിച്ച മരുഭൂമിയില്‍
ഇനിയുള്ളത് മരണത്തിന്റെ
നനുത്ത സ്പര്ശമെന്ന
ആശ്വാസം മാത്രം...
മിഖായേല്‍ നീ.....
Not connected : |
