ഇരട്ടകൾ
ഒരമ്മതന്നുദരത്തിലല്ല പിറന്നേലും
ഒരുമിച്ചു പറക്കുന്നു കിളികൾ , ഇരട്ടകൾ.
വിഷ്ണുവിന് പ്രിയയാണൊരുവളെങ്കിൽ
സരസ്വതി തൻ വീണയാമാറുന്നൊരാൾ.
നാട്ടുവഴിവക്കിലൂടൊരുമിച്ചു കൈകോർത്തു
കിന്നാരം
ചൊല്ലിനടന്നവർ,
നാട്ടുമാഞ്ചോട്ടിൽനിന്നറിയാതെ,
പച്ചമാങ്ങ കടിച്ചു പൊട്ടിച്ചവർ
കുഞ്ഞുചിറകിനാലറിവിൻറെ അക്ഷര-
ആകാശം പാറിപറന്നവർ.
പിരിയുമെന്നറിഞ്ഞോരു
ചെറുപ്രായത്തിലൊരുനാളിൽ
മിഴിയിണനിറച്ചു തിരികെ നടന്നവർ,
മനസിന്റെ പുസ്തകത്താളിലൊളിപ്പിച്ച
സ്നേഹത്തിൻ മയില്പീലിത്തുണ്ടു പകുത്തവർ,
ഒരുനാളിൽ പിരിയുമെന്നെങ്കിലും
''പിരിയില്ല,പിരിയില്ല'' എന്നു മൊഴിഞ്ഞവർ
പാറിപറക്കുന്നു രണ്ടുകുഞ്ഞാറ്റകിളികൾ
എന്നും നല്ല കൂട്ടുകാർ .......................
Not connected : |
