മരണം
ഉറക്കം..........
ഇന്നെനിക്ക് ഉറക്കമില്ല..
കണ്മുന്നിൽ കണ്ടവരും-
കൂട്ടായിരുന്നവരും..
ഗാഢനിദ്രയിലാണ്...
ഉണർന്നപ്പോൾ -
ഉറക്കമില്ലാത്തവർ
മറ്റുള്ളവർക് വേണ്ടി
ഉറക്കമൊഴിച്ചവർ.
സന്താനങ്ങൾക് വിദ്യാനല്കി
ഭൂമിയെ കഷ്ണങ്ങളാക്കി
അതിൽ ഉറുമ്പു പുറ്റുകൾ-
പണിതു ചായം പൂശി
എല്ലാം തൻ കൈകളിൽ!
ഇന്നവർ ഗാഢനിദ്രയിലാണ്
അത്ര നാൾ കൈക്കുള്ളിൽ-
മുറുകിയ പിടുത്തം -
അവനുറങ്ങവേ കൈ യയഞ്ഞു
എല്ലാം നഷ്ടമായി..
വലതു കയ്യിലുള്ളതാവർ-
വീതിച്ചെടുത്തു
ഇടതു കയ്യിലുള്ളതാവനും
കൊണ്ട് പോയി...
ഉണർന്നിരിക്കുന്നവർ
ശണ്ഠ കൂടുന്നു...
ഉറുമ്പിൻ പുറ്റുകൾക്കുവേണ്ടി
കഷ്ണങ്ങളാക്കിയ ഭൂമിയെ-
വീണ്ടും കഷ്ണങ്ങളാക്കാൻ.
അല്ലയോ ജന്മങ്ങളെ...............
ഗാഢ നിദ്രകർക്കരികിൽ...
അൽപ്പം നില്ക്കു.
സ്മരണകൾ പുതുക്കിടൂ...
ഒരുനാൾ ഞാനും ഉറങ്ങും...
എന്റെ കൈ പിടുത്തവും
ബലഹീന മായിടും.........
റഷീദ് മഠത്തിൽ
വറ്റലൂർ
Not connected : |
