തിരിച്ചറിവ് - തത്ത്വചിന്തകവിതകള്‍

തിരിച്ചറിവ് 

ഒരു യാത്രയിലാണ്
നാം കണ്ടുമുട്ടിയത്‌.
പാതവക്കില്‍ നട്ടുച്ചക്കാണ്
നാം പരിചിതരായത്
നിന്റെ നിഴല്‍
എനിക്ക് തണലായപ്പോഴാണ്
ഞാന്‍ തിരിച്ചറിഞ്ഞത്
ചിലപ്പോള്‍
എന്റെ സാമീപ്യം
നീ ആഗ്രഹിച്ചിരിക്കണം
സുരക്ഷ കണ്ടെത്തിയിരിക്കണം
പക്ഷെ
നമ്മില്‍
വാക്കുകള്‍ കെട്ടപ്പെട്ടിരുന്നു.
മൗനത്തിന്റെ
വാല്മീകത്തില്‍ പൊതിഞ്ഞ്‌
എത്ര ദൂരമാണ് നടന്നത്...?
ഇവിടെ
നമ്മള്‍ വഴിപിരിയുകയാണ്.....
ഇനിയെങ്ങോട്ട്?
ഞാന്‍
നിന്റെ തണലില്‍ നിന്ന്
ജീവിതത്തിന്റെ
പൊള്ളുന്ന വെയിലിലേക്ക്....
നീ
എന്റെ കാവലില്‍ നിന്ന്
വേട്ട നായ്ക്കളുടെ ഇടയിലേക്ക്....
എങ്കിലും
നമ്മള്‍ യാത്ര പറഞ്ഞു
മൗനമുടക്കാതെ!
ഏറെ നടന്നു കാണില്ല
തിരിഞ്ഞു നടന്നു....
അവിടെ
ഒരു ശിലാ പത്മം മാത്രം....!


up
0
dowm

രചിച്ചത്:നൗഷാദ്‌ കിളിമാനൂര്‍
തീയതി:20-06-2012 07:58:43 AM
Added by :nowshad kilimanoor
വീക്ഷണം:244
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


Not connected :